Hnahthial Post | 14th February, 2024: Vawiin chawhma dar 11:00 khan DC Conference Hall Hnahthial-ah Hnahthial District Bawrhsap Pu Chuauhnuna kaihhruaiin Hnahthial-a Mizoram State Day 2024 February ni 20 Thawhlehni-a ram pum huapa State Day of Prayer neih dan tur relin thut khawm neih a ni. He hunah hian Hnahthial Kohhran Joint Committee te, Sub Headquarter YMA; Sub Headquarter MHIP leh Sub Headquarter MUP aiawh te an tel a ni.
Meeting kaihruaitu Pu Chuauhnuna, District Bawrhsa chuan State Day of Prayer hman dan tur sawiho tura kalkhawmte chu lawmthu a hrilh a. Ram hmasawn zel tur chuan Sawrkar mai ni lovin kohhran leh khawtlang te thawhhona tha a pawimawh thu sawiin, Christian ram kan nihna anga in tawngtaipui tawn chu kan tih makmawh a ni, a ti.
Rev. Dr. K. Thanzauva, Chairman Mizoram State Day of Prayer chuan report pe in, a kaihhruaina hnuaiah Hnahthiala State Day of Prayer hman dan tur sawi zui a ni a, Lunglei leh Lawngtlai District tlawh tura an tih angin anni hian an tlawh a, hetah hian organizing committee fel fai tak din a nih thu a report a, Pu Lalkunga Chinzah Mizoram State Day of Prayer pawhin State Aizawl-a hun hman dan tur he hunah hian a chhiar chhuak bawk a ni.
Meeting chuan Mizoram sorkar in sorkar anga function a buatsaih tur nen in su buai lo tura a hun hi duan nise tiin a rel a, State Day of Prayer Organizing Committee din fel nghal a ni a, Chairman-ah Rev. TC. Vanlalzuia, BCM ruat niin Vice Chairman-ah Hnahthial khawpui chhunga kohhran hrang hrang bialtu Pastor Rev. Lalawmpuia, PCI, Rev. VL. Rawna, Seventh Day Adventist, Rev. VL. Hmuaka, UPC NEI; Rev. TC. Vanlalmalsawma, Hmangaihsangzuala, BCM; Capt. PC. Salvation Army, Rev. V. Lalzarliana, BCM; Rev. Zoramchhanthanga, UPC Mizoram; Pastor Lalthantluaga, IKK. General Secretary-ah Upa FB. Vanlalruata, BCM; Joint Secretary Pu K. Lalsangzuala, Sub. Hqrs. YMA leh Pi Malsawmkimi, Sub Hqrs. MHIP; Treasurer Upa PC. Lianhlira, Finance Secretary Upa Laltanpuia Hnamte te ruat an ni a, Adviser-ah bialtu MLA Pu Jeje Lalpekhlua leh District Bawrhsap Pu Chuauhnuna te ruat an ni a, February ni 20 Thawhlehni-a tawngtaina hmun atan Bazar Mual a ni ang a, a hun darkar leh programme kimchang hi Organizing Committee ngaihtuah that atan dah a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News