Hnahthial Post | 28th February, 2024: South Tuipui Bialtu MLA Jeje Lalpekhlua chuan Sports lama Mizoramin hma kan sawn theihna atana tha a tih chu vawiin khan House-ah a sawi chhuak a, sports association a ngai pawimawh tih a sawi. Zawhna leh chhanna hunah zawhna a zawh hmain Pu Jeje Lalpekhlua chuan kan rama sports lama hmasawn tur chuan infrastructure tha tak neih a lawmawm rualin, a hnuaia thawk tur, a bikin sports person-te tana thleng phak sports association tha neih a pawimawh thu a sawi.
Pu Jeje-a chuan sports association neih tha chuan inelna neih tam a keng tel nghal tih sawiin, 'Inelna hmachhawn tam hian tawnhriat kan neih phah. State chhunga inelna kan hmachhawn tam chuan state pawna kan kalin inrintawkna min pe,' a ti. Sports infrastructure tha tak neih a, sports association tha neih si loh chu school building tha tak neih a, a thawktu (zirtirtu) neih that leh si loh nen Pu Jeje-a chuan a tehkhin bawk a ni.
Inthlan dawn a, a khingpuiten Pu Jeje Lalpekhlua hian Assembly House-ah football a pet dawn em ni tia deusawh taka an sawi dah nil a, Bialtu MLA tha, Assembly House-a bial tan chauha hma la lova, ram pum huap tana ngaihtuahna, tha leh zung seng thei MLA kan neih hi keini South Tuipui Block-I ZPM te chuan kan chhuang tak zet zet a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News