Hnahthial Post | 28th February, 2024: Mizo Zirlai Pawl (MZP) General Headquarters, Aizawl Executive Committee meeting vawi 628-na chu vawiin chhun dar 12 khan MZP Conference Hall-ah an thukhawm a, Rashtriya Uchchatar Shiksha Abhiyan (RUSA) hnuaia Mizoram chhunga college building sak mek leh Mizoram Education Service (MES) chungchang bakah pawl chhung thil pawimawh hrang hrang rel a ni. Meeting hi MZP President Pu H Lalthianghlima'n a kaihruai.
Meeting chuan, RUSA hnuaia Mizoram chhunga college hrang hrang building sak mek chu a tul anga endik nise a ti a, college building hrang hrang sak mek chu, a nih dan tur ang a nih leg nih loh bakah, zirlaite’n a hun taka an luah luh theih nan a tul anga hmalak nise tiin a rel a ni.
Meeting chuan, MZP ten hun rei tak hma a lo lak tawh leh vei em em Mizoram zirna enkawtu tur Mizoram Education Service (MES) chu, Mizoram-in kan neih ngei theih nan hmalak nise a ti bawk.
MZP General Headquarters, Executive Committee Meeting chuan, MZP a rorelna sang ber dawttu MZP Federal Council Sitting’ chu ni 11th April, 2024 hian neih a tum bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News