Hnahthial Post | 14th February, 2024: Vawiin chawhnu dar 2 khan ni hnih cham tura lo zin Union Minister of State, Health & Family Welfare changtu Professor S.P. Singh Baghel chuan thlawhtheihna hmangin Siaha Helipad- a lo thleng a. Prof. S.P. Singh Baghel hi Pu M. Laikaw, CEM, MADC, Siaha District MLA pahnih Dr K. Beichhua leh Pu K. Hrahmo, bakah Pu Lalhmunsanga Hnamte, District Bawrhsap, Pu K.L Vulmawia, Superintendent of Police- ten Helipad- ah hian an lo hmuak a ni.
Prof. S.P. Singh Baghel hian Circuit House- a pan nghal a, Siaha District chhunga sawrkar Official leh party hruaituten an lo hmuak a ni. Prof. S.P. Singh Baghel hian sawrkar Official- te thutkhawm a neih pui nghal a. Pu Lalhmunsanga Hnamte chuan meeting hi a kaihruai a, Pi Lalnunmawii Addl.DC chuan lawmna thu a sawi.
Pi B. Malsawmtluangi, SDO (S) chuan District- nihphung tlangpui bakah administration kalphung, hmalak dan leh hmabak awm ang angte sawifiahna hun neiin Deparment hrang hrangte hnathawh dan tarlanna a nei a. Siaha District chhunga Health Department- hnuaia hnathawh leh hmalak ngaihna hrang hrang bakah tuna Health Department- dinhmun tlangpui ngaihtlak a ni bawk a . Union Minister of State in zawhna leh hriatchian duh a neih ang angte chhanna hun hmang nghal a ni bawk.
Sawrkar Official- te nen meeting a neih zawh hnu hian Pu S.P. Singh Baghel hian Kohhran hruaitute kawmna a nei nghal a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News