Hnahthial Post | 21st February, 2024: ZORO chuan FMR leh Border chungchangah ramriah lungawilohna lantir an tum.
Vawiin ni 21, February 2024 khan ZORO General Headquarters chuan ZORO office-ah Executive meeting an nei a, meeting-ah hian Free Movement Regime (FMR) leh Border fencing chungchang sawiho a niin, Nagaland state-a Symposium neih a ZORO aiawh palai kal report ngaihthlak a ni bawk.
ZORO chuan Free Movement Regime (FMR) India sorkar in hlih a tum leh India sorkarin Burma leh India inrina hung (fencing) a tum chu tha a ti lo a, dodalna pawh a lo lan tir tawh a. India Prime Minister hnenah memorandum a lo thehlut tawhin, duh loh lantir nan Indian Home Minister Amit Shah lim pawh a lo hal tawh a ni. ZORO chuan Free Movement Regime (FMR) India sorkar in hlih a tum leh India sorkarin Burma leh India inrina hung (fencing) a tum chu an tih hlawhtlin loh nan hma a la zel dawn a ni.
Ni 16th February 2024 khan Nagaland state-ah North East India Symposium on India-Myanmar Border Issue neih a ni a, hei hi sawm kan nih angin ZORO aiawhin Pu F. Lalruatliana, General Secretary a tel a. North East India Symposium on India-Myanmar Border Issue-ah hian FMR hlih tum duh lohna leh Border fencing duh lohna lantir chungchangah North East mipuite a bikin Nagaland, Manipur leh Mizoram te phei khai rual taka kal ho nise an ti a. North East India Symposium on India-Myanmar Border Issue-ah hian ramri hrul khaw remchangah lungawi lohna lan tir nise tih a ni a, North East State hrang hrang ten lungawi lohna hi a rual a neih nise tih a nih angin India leh Myanmar ramriah hun remchangah lungawi lohna lan tir a ni dawn a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News