Hnahthial Post | 13th April, 2024: April ni 19, 2024 a Lok Sabha inthlanpui neih tura inbuatsaihna kal zelah nimin (12th April) khan South Tuipui Assembly Segment a hman tur EVM khawlte chu DC Conference Hall, Hnahthial-ah political party hrang hrang aiawh kalkhawm hovin commissioning neih a ni.
Nimin commissioning-ah hian political party hrang hrang aiawhte hmuh laiin Strong room hawn a ni a, 29-South Tuipui biala Polling Station 27 a hman tur te leh reserve a dah tur EVM khawl-te chu commissioning tura lakchhuah niin MP inthlana candidate-te hming leh an party chhinchhiahna (symbol) te chu Electronics Corporation of India Limited (ECIL) engineer hovin VVPAT a thun fel an ni. 2nd randomization-a EVM khawl hrang hrang ( VVPAT, CU leh BU) kalna tur Polling station ruatfel tawhte chu hman theih tawh tura buatsaih a ni a, EVM khawlte chu an kalna tur Polling Station number leh hming bel niin mock poll neih a ni bawk. Commissioning hi nimin leh vawiin hian neih tura ruahman niin zawhfel a nih hnuah uluk taka seal-in party aiawhte hmuh laiin strong room a dah la ni tawh dawn a ni. Hnahthial District Election Officer Pu Chuauhnuna, Election Officer Pu Lalbiakfela, SDC Pi Betty Lalrinfeli leh SDC Pu Vanlalruata te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News