Hnahthial Post | 4th April, 2024: District Election Office, Hnahthial chuan kan hma lawka MP Inthlanpui lo thleng turah nasa takin inbuatsaihna an kalpui mek zel a, chumi kal zelah vawiin khan DC Meeting Hall, Rallangtlang, Hnahthial-ah Pi Betty Lalrinfeli SDC, nodal officer for postal ballot ni bawk chuan official-te briefing a neihpui.
Pi Betty Lalrinfeli chuan mitinin kokim leh intluktlang taka vote an thlak theuh theihna turin Election Commission of India (ECI) chuan ruahmanna fel tak a siam thu a tarlang a, pianphunga rualbanlote (Absentee voters in the category of PwD) te leh kum lama upa, kum 85 chin chunglam tan mahni in atanga vote an thlak ve theihna turin Postal ballot system changtlung tak ruahman a nih thu a sawi. Postal Ballot Nodal Officer chuan 29-South Tuipui (ST) Assembly Segment bikah home voting tura dilna thehlut mi 7 an awm thu tarlangin, harsatna awm lova an candidiate duh ber an thlan ve ngei theihna tura home voting hi ruahman a ni a ti a, postal ballot buaipui tura mawhphurhna pek polling officials kalkhawmte chu tul leh pawimawhte hrilhhriatna a neihpui a, zawhna leh chhanna hun hman a ni bawk. Vawiin briefing-ah hian Sector Officer, Micro Observer te leh Polling officer-te an kalkhawm a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News