Hnahthial Post | 26th May, 2024: Hnahthial District Bawrhsap Pu Chuauhnuna chuan May ni 26 leh 27 inkara ruah leh thli avanga chhiatna thleng palh thei tur chungchangah invennan a hnuaia tarlan ang hian thu a chhuah.
HRIATTIRNA
State Meteorological Centre, Govt, of Mizoram thuchhuah in a tarlan ang in Cyclone thlipui Bay of Bengal a insiam mekin a hrut phak zingah Mizoram tel lo mahse, Mizoram hmun thenkhatah ruah tam tham tak Ni 26 & 27th May, 2024 hian sur thei tur a beisei a ni a, thli pawh na vak lo ( 50-70kmph vel) thawk thei tur a ngaih a ni bawk a ni. Hemi chungchangah hian mipuite chiaina tur a awm lo a, amaherawhchu, thlipui leh ruah thleng thut palh thei laka fimkhur turin kan in hriattir a. Chhiatna thleng palh a awm a nih chuan District Administration/DEOC Hnahthial Phone No. 8798762758-ah hriattir tur a ni e.
Heng a hnuaia tarlante hi mipuite hriat a lo puangzar tur leh zawm theuh turin Village Disaster Management Committee, Hnahthial District hnuai a mi te kan in hriattir a ni.
- Lui leh tui hmun te, ramhnuai ah te kal loh hram tur a ni.
- Kan Power line te hi chhe palh thei anih avangin current neih loh theih a ni a, Electric hmang thil te charge lawk in, eng awm loh hun a chhit tur lo in ruahman lawk tur a ni.
- Thing leh mau thli in a len tluk mai theih, Electric wire delh chhe thei te chu kih /a zar thlak tur a ni.
- Mahni in leh lo te thli leh ruah in a tihchhiat mai loh nan, a thawm that ngaite theih ang ang a thawm that ni se.
- Thu dik tawklo leh belhchian dawl lo thehdarh loh tur a ni a, lo thehdarh an awm chuan Disaster Management Act 2005 hnuaia hremna dan ziak angin an chungah action lak a ni ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News