Hnahthial Post | 14th June, 2024: Mizoram sorkar chuan vawiin (14th June) khan IAS leh MCS awmna hmun siksawiin, Hnahthial District Bawrhsap ni mek Pu Chuauhnuna chu Director, Local Administration Deptt ni turin a sawn a, a hmun ruak hi Pi Rita Lalnunmawii Pachuau, Director, Local Administration Deptt ni mek chuan a rawn luah khat ang.
Hnahthial District Sub-Deputy Commissioner, Pi Betty Lalrinfeli pawh a awmna hmun siksawi zingah hian a tel a, Aizawl District Sub-Deputy Commissioner-in a awm anga, a hmun ruak hi Dr Lalchamliami, SDC Aizawl District-in a rawn luah thung ang.
Mizoram sorkar, School Education Deptt pawhin zirtirtu awmna siam remin, Government Higher Secondary School, Hnahthial-a Mizo Lecturer Pi Lalzamveli Pachuau chu Gov't. Serchhip Higher Secondary, Serchhipah sawnin, a ai dah erawh a awm lo a ni. Thu dawnnain a tarlan danin, Gov't Higher Secondary School, Hnahthialah zirtirtu an indaih lo hle a. Tun dinhmunah Economics subject tih lohah zirtirtu 1 theuh chauh an awm dawn a ni. Hemi chungchangah hian Mizo Zirlai Pawl Hqrs: Hnahthial chuan Emergency Committee Meeting ko nghalin, chanchin buatsaih a nih lai hian an thuthlukna hriat ala ni lo.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News