Hnahthial Post | 15th June, 2024: Mizo Zirlai Pawl Headquarters Hnahthial chuan ni 13th June, 2024-a School Education Deptt-in zirtirtu awmna a siksawi zingah Government Hnahthial Higher Secondary School atangin zirtirtu sawn chhuah, aiawh dah ni lo chungchangah Emergency Committee Meeting neiin thuchhuah an siam a, an thuchhuahah hian sawrkar laka an beisei leh dilna te'n awmzia a nei lo a nih chuan School khar thlengin hmalak an tum thu an tarlang a ni.
MZP Press Release kimchangin:
- School Education Department in 13th June, 2024 a Notification a tih chhuah (i,e No.A.32013/1/2024-EDN(HSS) chu ngun takin MZP Headquarters chuan a ngaihtuah a, Gov’t Higher Secondary School Hnahthial-ah hian tun dinhmunah Arts Stream bikah Lecturer 9 awm in, zirlai 150 vel an vil mek a. Economics leh Mizo Subject ah hian Lecturer pahnih awmin Subject dang zawngah hian pakhat theuh an awm a ni. Hetiang hi School dinhmun a nih laia Mizo Lecturer Pi Lalzamveli Pachuau sawn chhuah a ni hi MZP Headquarters Hnahthial chuan hriatthiam har kan ti a, he Transfer Order hi kan pawm thei lo a ni.
- HSSLC Result 2024 tih chhuah a nih khan GHSS Hnahthial dinhmun a langchiang hle-in kan hria a, Zirtirtu mamawhna a san zual lai taka Zirtirtu thlaktu pawh awm lova sawn chhuah a nih hi Hnahthial District-a zirlaite ngaih pawimawh loh vang niin MZP Headquarters Hnahthial chuan a ngai a, chuvangin he Mizo Lecturer Post hi hnawhkhah a nih hma chu Pi Lalzamveli Pachuau hian Hnahthial khua a chhuahsan kan phal dawn lo a, hei hi kan hriattirna a ni nghal bawk a ni.
- Gov’t Higher Secondary School Hnahthial ah hian kum 2021 khan Dr Elizabeth Lalhmangaihzuali chu Principal turin dah a ni a; amaherawhchu, Joining Report-a pek ni bak Hnahthialah a hmel hmuh a la ni lova. MZP Headquarters Hnahthial chuan he thil hi a chhui nghal a, Dr Elizabeth Lalhmangaihzuali hi Cancer natna nei a ni tih hriat a ni a, a natna hi MZP chuan kan hriatthiampui a, a pawi kan ti takzet a ni. Chutihrualin, GHSS Hnahthial a Administration kengkawhtu ber awm lo reng hi a pawi kan tiin nasa takin School in a chhiatpuiah kan ngai a, chuvangin GHSS Hnahthialah hian Principal thar dah turin Sawrkar kan ngenin kan phut bawk a ni.
- Sawrkar hian kan duh leh kan mamawh hi min ngaih pawimawh sak ngei kan phut tlat a ni. Kan beisei leh kan dilna te’n awmzia a nei lo a nih chuan School khar thlengin MZP chuan hma kan la dawn bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
