Hnahthial Post | 16th June, 2024: District Child Welfare Committee(CWC) Hnahthial chuan tunhnaia Hnahthial District chhunga Music Video siam pakhat chu naupang tana him lo thil a awm avangin Social Media(Youtube) atanga Remove turin Artist pakhat chu hriattirna an pe.
CWC Hnahthial chuan report an dawn bawhzuiin Youtube Video/Music Video pakhat chu ngun takin an en a. Ruihhlo kaihhnawiha naupang inhnamhnawih tirna lam hawi a lan tam avangin Juvenile Justice(Care And Protection) Act, 2015 leh Information Technology Act, 2000 bawhchhiatna ni ngeiin an hria a. A Video upload-tu Lalramchuana East Lungdar leh a video neitu Lalrinchhana Hnahthial Electric Veng chu a rang lama an Video te Social Media atanga paih turin an hriattir a ni. An rual hian Video-a lang naupang nu leh pa te pawh ruihhlo promote-na anga ngaih theih video a an fate lan tir tawh lo tura hriattir an ni bawk.
District Child Protection Unit, Hnahthial atanga thu kan dawn danin naupang venhimna dan hriat tawk loh vanga miin harsa tak leh sum leh pai insengso nasa taka video an siam paih tir an ngai chu pawi an ti hle a. Mahse, dan awmsa bawhchhiatna a nih miau avangin CWC chuan hma a la lo thei lo a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News