Hnahthial Post | 4th July, 2024: Mizo Zirlai Pawl Headquarters: Hnahthial hruaitute leh MZP Headquarters Lunglei chuan, nimin ni 3rd July, 2024 khan Lungleia cham mek School Education Minister, Dr Vanlalthlana chu hmuin, Gov't Hnahthial HSS-a Zirtirtu sawn chhuah ai dah lo (Transfer Order, kept in Abeyance) leh Principal sawn chhuaka mi hrisêl pangngai, School awm chilh thei tur Mizoram Sorkar, School Education Department-a vawi tam an lo ngiat tawh leh Hnahthial District chhunga School hrang hrang Primary atanga Higher Secondary School thlenga zirtirtu indaih lohna chungchangah hmuin, School Education Minister hnenah hian an duh leh ngiat te tih hlawhtlinsak turin an ngen nawn leh a ni.
School Education Minister hian, Lecturer Transfer Order chu tun dinhmunah Stayed a nih thu sawiin, Students - Teachers Rationalisation mila zirchian ṭhat leh a nih tur thu a sawi a. Kumin chhung chuan Transfer an nih loh tur thu a sawi a ni. School zirtirtu indaih lohna pawh Casual Teacher lakin a phuhruk a rin thute sawiin, District khawpui chhunga Casual Teacher dah an nih loh chungchangah pawh, Zirtirtu nghet-te chu District khawpui chhungah dah tuma ruahmanna an kalpui tih a sawi bawk a ni.
 |
| HPC Vice-Chairman Office, Lunglei |
Gov't Hnahthial Higher Secondary School Principal chungchang pawh School Education Department chuan ngaihtuah tawhin, Principal sawn chhuaha aiawh dah mai tur an van thu leh tuna Principal ni mek chu Sorkarin sawn chhuah an tum thu sawiin, vawiin ni 4th July, 2024 hian School Education Official te nen Meeting-a sawi ho an tum leh thu a sawi bawk a. "Higher Secondary School chin chu Group A an ni a, eng emaw zat chu kan sawn dawn, Aizawl a mite pawh kan sawn ang, eng emaw chu in nei ang" tiin Minister chuan MZP Hqrs: Hnahthial hruaitute chu a hrilh a ni.
MZP Hqrs: Hnahthial hruaitute chuan, July ni 10 ral hma ngei a, School Principal chu sawn chhuaka aiawh mi dang dah turin an ngen nawn leh a, sawn chhuaha ai dah a nih loh chuan, Gov't Hnahthial Higher Secondary School Zirtirtute leh Zirlaite School kai tur tiam chin awm lo a dan leh an tum thu School Education Minister hi an hrilh bawk a ni.
High Powered Committee, Vice-Chairman, Pu Malsawmtluanga leh Bialtu MLA Pu Jeje Lalpekhlua te'n an intiam anga School Education Minister bulah theih tawp an chhuahpui avangin MZP Hqrs Hnahthial hruaitute chuan lâwmthu an sawi a, chutihrualin Assembly Deputy Speaker, Pu Lalfamkima erawh a intiam anga School Education Minister hmuhnaa a hmel hmuh a ni ve lo chu an hriatthiam lo hle a ni, tiin an thuchhuahah an tarlang.
Gov't Hnahthial HSS chungchangah hian MZP Hqrs Hnahthial chuan tun hnai khan ni 3 chhung lungawi lohna lantirin he School-a Zirlaite leh Zirtirtute an lo dang tawh a, Ni 25th June, 2024 zan khan Assembly Deputy Speaker Pu Lalfamkima, Lunglei HPC Vice-Chairman, Pu Malsawmtluanga leh Bialtu MLA Pu Jeje Lalpekhlua te chuan MZP hruaitute hi kawmin lungawi lohna an lan tir chu tawp lailawk tur leh Lunglei-a Cabinet Meeting neih hunah Education Minister chu an mahniin hmuhpuiin theihtawp an chhuahpui tur thu an hrilh angin MZP hian lungawi lohna lantir chu an ti tawp lailawk a, Minister hmuhnaah hian Dy Speaker erawh a tel leh ta si lo a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
