Hnahthial Post | 6th September, 2024: Vawiin chawhnu dar 12:30PM khan Hnahthial a DIET Building thar sak tur hnuhkir tum chungchangah YMA Sub Hqrs Hnahthial hruaitute leh Bialtu MLA te chuan School Education Minister hmuin, sawihona an neih hnuah Hnahthialah DIET Building sak a nih tur thu Minister hian alo hrilh a ni.
YMA Sub-Hqrs Hnahthial hruaitute hi bialtu MLA zahawm tak Pu Jeje Lalpekhlua chuan School Education Minister Dr.Vanlalthlana hnenah Appointment- lo siamin Secretariat-ah lamkalte lo nghakin MLA hovin YMA Sub Hqtrs lamkalte nen meeting ṭha tak neiin Bialtu MLA leh YMA sub Hqtrs lamkal ten theihtawp a an sawiho hnuin, Hnahthial-a DIET Building thar sak tur hi hnukkir lo tura an ngenna chu Minister hian a rem tihsak ta a ni. He meetingah hian Adviser to CM, Pu Lalmuanpuia Punte pawhin a telpui a ni.
MZP Hqrs Hnahthial chuan YMA Sub-Hqrs Hnahthial leh Bialtu MLA te'n Zirlai hmakhua ngaia theihtawp chhuaha Hnahthial District tana DIET Building sak a ni tur hi lawmawm an tih thu sawiin, School Education Minister Dr Vanlalthlana hnenah pawh lawm thu an sawi a ni.
Tin, vawiin vek khan YMA Sub-Hqrs Hnahthial hruaitute chuan khawtlang thil pawimawhah Minister dangte leh Director UD & PA te Bawlhhlawh paihna chungchangah MLA-te nen an hmu nghal bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News