Hnahthial Post | 31st October, 2024: MZP chuan Mizoram chhung ngeiah Certificate leh documents lem hrang hrang siam atam hle niin a hria a, hei hi Mizoram tan leh zirlaite tana thil pawi tak a nih theih dawn a vangin tihtawp anih theih nan hma a la nghal a. Documents lem siamtu ni ngeia hriat mi pakhat man nghal a ni.
MZP chuan tun hnaiah certificate leh documents lem siam an awm ngei nia a hriat avangin uluk takin a chhui zui nghal a, heng documents hrang hrang— Educational certificate (pawl sarih atanga chunglam zawng),Birth certificate, Driving License leh Professional Certificate (B.Ed., D.El.Ed... adt) te hi timna nei hauh lova a lem siam chhuak an awm ngeiin a hria a. MZP in a finfiah hnuah dan anga hmalak anih theih nan Home Minister Pu K. Sapdanga chu sawipui nghal niin, hmala turin ngen a ni a. Home Minister chuan chaktaka bawhzui nghalin Certificate lem siamtu ni ngei a hriat mi pakhat chu tunah hian Police ten an man tawh a. MZP chuan Home Minister-in chak taka hma alaknaah lawmthu a sawi a ni.
Zirlaiten hun leh tha tam tak seng a certificate an sual chhuah laiin, awlsam tak a certificate leh documents lem hrang hrang kan ramah ngei ngampa taka siamchhuah a ni hi MZP chuan pawi a tiin a dodal tlat a. Hetiang thil a awm tawh loh nan chak taka hmala turin Mizoram sawrkar a ngen nawn a, MZP pawh in uluk takin a enzui zel dawn a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
