Hnahthial Post | 1st November, 2024: United Penticostal Church of North East India, thalai pawl (Penticostal Youth Department) General Conference vawi 46-na chu nizan atang khan Hnahthial North - II VC Ground-ah neih tan niin nizan thleng khan mikhual 1800 vel an thleng tawh niin hriat a ni a, vawiin lamah thlen belh awm nual tura beisei a ni bawk.
PYD (NEI) General Conference 2024 hi nizan khan Rev Lalmalsawma Sailo, Gen.Secretary, UPC NEI chuan hawngin inkhawm hi Rev C Lalthantluanga, President, General PYD chuan a kaihruai a, Hnahthial bialtu Rev. K Lalchhuansanga chuan Palaite lawmna thu sawiin, "Thlarau thianghlim nei rawh u" (Johana 202:22) thupuia hmangin Evan C Lalremchhunga, President, Lunglei District PYD chuan Pathian thuchaha sawi bakah zaipawl leh mimal zaithiam eng emawzatin Pathian fakna hla sain zaia rawngbawlna hun an hmang bawk a ni.
Vawiin chawhma dar 10:30 atang khan Horeb Conference Hall, Hnahthialah Gen. PYD Report & Conference Business neih a ni anga, hetih rual vek hian Pandal-ah Rev Lalchuilova, N.Mizoram District kaihhruaiin Fellowship service neih a ni bawk. He hunah hian Pastor F Malsawmtluanga, Aizawl East District chuan thuchah tawi a sawi bawk ang a, Skit, Band, Group, Recitation, Group singing leh solo eng emawzat a awm bawk ang. PYD (NEI) Gen. Conference 2024 neihna Pandal hi a dung ft 140 leh a vang ft 90 a zauin sak a ni a, mi 2500 vel len theihna tura ruahman niin, Ni 14 September, 2024 atang khan sak tan a ni.
Thu hmuhna: Kailawn
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News