Hnahthial Post | 11th December, 2024: Vawiin chawhma dar 11:00 khan DC Meeting Hall, Hnahthialah, Hnahthial District Consumer Protection Council chu an Chairman, Pi Rita Lalnunmawii Pachuau, District Bawrhsap ni bawk hovin thutkhawmna neih a ni.
Meeting kaihruaitu Pi Rita Lalnunmawii Pachuau chuan Hnahthial District Consumer Protection Council meeting neih a ni thei chu lawmawm a tih sawiin he thutkhawmna pawimawhna te a sawi a. Kalkhawmte chuan ngaihtuahna nasa tak seng chungin Hnahthial District chhunga Consumer te tana theih tawp chhuah tura chah a, agenda sawi turin he Coucil Secretary, Hnahthial DCSO a sawm nghal a ni.
Meeting-ah hian Hnahthial District Consumer Disputes Redressal Commission a hrana neih chungchang te, Hnahthial District chhunga bukna leh tehna dik taka hman a nih theih dan tur te, LPG home delivery chungchangte bakah thil pawimawh hrang hrang an ngaihtuah ho a ni.
He hunah hian Pu T. Lalduhkima, Member Secretary, District Civil Supplies Officer; Er. Darthangvunga, Executive Engineer, PHED; Dr. R. Lalsanglura, Chief Medical Officer leh YMA Sub-Hqrs, MHIP Sub-Hqrs leh Hnahthial District Consumers' Union hruaitute an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News