Hnahthial Post | 23rd January, 2025: Public Work Department (PWD) in Hnahthial to Haulawng kawngah Hnahthial By-pass kawng siamtute motor hmaraw phur tlan an phal loh chungchangah nimin khan YMA Sub-Hqrs Hnahthial hnuaia Vigilance & Monitoring Committee hruaitute chuan nimin khan Hnahthial District Bawrhsap Pi Rita Lalnunmawii Pachuau chu hmuin thil awm dan an sawipui.
Hnahthial By-pass kawng siamtu Mathiyan Construction Pvt Ltd hian kawng siamna hmanrua an phurhna lamah Haulawng kawng an rah chhiat nasat avangin PWD chuan helai kawng siamṭhatna tur hi sum engemaw zat deposit turin an ti niin Vigilance & Monitoring Committee, YMA Sub-Hqrs Hnahthial hruaitute chuan an sawi a, hei hi Mathiyan Construction Pvt Ltd hian ti thei lovin an hmanraw mamawh an lak zawh hunah kawng siamṭhat hna erawh an thawh theih tur thu leh agreement an ziah theih thu sawi thung mahse PWD lama pawisa an deposit loh avang hian Mathiyan Construction Pvt Ltd hnathawk motor te chu PWD hian tlan an phal tawh lo niin an sawi bawk. Hetih lai hian By-pass kawng siamtute hian working season chhungin a tam thei ang ber hna thawk sd an duh thu leh PWD-a sum deposit kher lova agreement an siam theih tho chuan phalsak mai se an duh thu Bawrhsap hnenah hian Vigilance & Monitoring Committee, YMA Sub-Hqrs Hnahthial hian an thlen a ni.
Bawrhsap Pi Rita Lalnunmawii Pachuau chuan thu thlen chu a ngaih pawimawh thu leh PWD hotute, NHIDCL hotute, By-pass kawng laitu Mathiyan Construction Pvt Ltd hotute leh Sub-Hqrs YMA Hnahthial Vigilance & Monitoring Committee te chu a rang thei ang bera Meeting neihpui a nih tur thu alo hrilh a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News