Hnahthial District nula 5 telna National Games khel turin Mizoram hockey team inbuatsaih
Hnahthial Post | 22nd January, 2025: 8th National Games, Uttarakhand-a neih turah Mizoram chuan hmeichhe team a tir dawn a, nasa takin inbuatsaihna an kalpui mek. National Games-a tel phak tur hian March 13–23, 2024 chhunga Pune, Maharashtra-a 14th Hockey India Senior Women National Championship-ah Hockey Mizoram hian senior hmeichhe team a tir a, hetah hian quarter final an luh avangin an inhlangkai a ni.
Inbuatsaihna hi STC, Thenzawlah coaching camp-ah January 13, 2025 atang khan neih tan a ni. Camp-ah hian Lalremsiami, Marina Lalramnghaki, Lalrinpuii, H. Lalruatfeli, Lalhlunmawii, Z. Laldintluangi leh Vanlalrinhlui te hi tournamnet dang an la khelh avang leh harsatna dang avangin an la zawm ve thei lo va, Mizoram atanga kalte nen Haridwar pan turin Delhi-ah an inhmukhawm ang. Mizoram team coaching staff te him manager Rosalind L Ralte (Atei), coach Lalrothuami (Bitei) ten an hruai dawn a ni. Player hi 18 squad tur a ni a, longlist-ah player 21 thlan chhuah phawt an ni a, chungte chu:
- Kt Lalhlimpuii (GK), Champhai (STC, Thenzawl)
- B.Lalrinpuii, Aizawl, (STC, Thenzawl)
- Zothanmawii, Lungpho (STC, Thenzawl)
- Elizabeth V.L.Lawmkimi, Keifang (STC, Thenzawl)
- Vanlalrinhlui, Durtlang (STC, Thenzawl)
- C.Ramsangliani (Gk), Dungtlang (Aizawl)
- H.Lalruatfeli, South Lungleng (Central Railways, Mumbai)
- Lalhlunmawii, Thenzawl (Central Railways, Mumbai)
- Lalrindiki, Hnahthial (Central Railways, Mumbai)
- Agnes Malsawmkimi, Serchhip (NCOE, Bhopal)
- Lalruatfeli, Tuipui ‘D’ (NCOE, New Delhi)
- Lalremsiami, Kolasib (RCF (Kapurthala),Punjab)
- Marina Lalramnghaki, Kawnpui (South Eastern Railways, Jharkhand)
- Lalthantluangi, Kanghmun ‘S’ (NCOE, Bengaluru)
- Lalrinpuii, Hnahthial (NCOE, Bengaluru)
- Lalbiaksiami, Lunglei (NCOE, Bhopal)
- Lalneihpuii, Denlung (NCOE, New Delhi)
- Ruthi Lallawmzuali, Siaha (NCOE Mumbai)
- Z.Laldintluangi, Lunglei (NCEO, Mumbai)
- Laltlanchhungi, Durtlang (NCOE, Kolkata)
- Lalpeksangi, Rotlang ‘W’ (NCOE, Kolkata)
Thu hmuhna: Huihchhuk
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News