Hnahthial Post | 24th January, 2025: Mizoram hmun hrang hranga Village Council 2025 inthlanpui neih turah chuh tumte tana hming pek luh theihna chu nimin (23 January) tlai dar 3:00 khan a tawp a, Hnahthial khawpui chhung Village Council 5 aṭangin hming pe lut 67 an awm a, heng zinga mi 11 te chu independent a chuh tum an ni.
Hnahthial khawpui chhung Village Council 5 zinga Village Council pahnih Hnahthial South- I leh Hnahthial South - II ah MNF leh Congress te an thawk dun dawn a, Hnahthial South -I ah hian mi 4 ve ve an nei a, ZPM-in 5 neiin independent an awm hriat a ni lo. Hnahthial South - II ah MNF aṭangin mi 4 leh Congress atangin mi 1 ten hming an pe lut a, ZPM aṭangin mi 5 an awm bakah Independent a chuh tum 1 awm niin hriat a ni. Hnahthial South-III ah ZPM in Candidate tura hming pe lut 5 an awm laiin MNF leh Congress aṭanga hming pe lut awm lovin independent a chuh tum mi 6 an awm niin hriat a ni. Hnahthial North - I leh II Council-ah erawh MNF, Congress leh ZPM te an in mal beih dawn a, hnahthial North I ah hian MNF, Congress leh ZPM aṭangin mi 5 ṭheuhin hming an pek luh bakah Independent a chuh tum mi 4 awmin Hnahthial North II ah MNF leh ZPM aṭangin mi 5 ve ve leh Congress atangin mi 3 ten hming an pe lut a, independent a chuh tum an awm lo niin hriat a ni bawk.
Vawiin (24th January) hian chuh tumte hming pek luh endik a ni ang a, ni 27th January, 2025 thleng inhnuhdawh theihna hun hawn tur niin hemi hnu hian Candidate turte chu a chiang chauh thung ang.
Thu hmuhna: Kailawn
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News