Hnahthial Post | 29th January, 2025: Mizoram Information Commission (MIC) chuan Mizoram RTI Online kan hman mek hi tun aia tha leh changtlung zawkin a duang mek a. Software tha zawk nen version thar hman a nih tawh dawn avangin RTI Online apps hlui hi hun rei lote chhung a khaihlak maithei a. App thar hi 30.01.2025 ah Google Playstore/Apple Appstore ah te upload a ni ang a, anni lamin an approve hnuah hman theih a ni dawn a ni.
Mizoram RTI Online mahni phone a download/install sa kha uninstall phawt a, Mizoram RTI Online (version 2) hi download/install tur a ni. Kan credentials/password etc. hman mek kha chhut luh leh mai tur a ni a, RTI zawhna, Appeals, Complaints kan lo thehluh tawh te leh chhanna kan dawn tawh zawng zawngte pawh a bo dawn lo a ni.
Version thar hman a nih tawh dawn avanga Apps kaihhnawih eng pawh khaihlak a lo awm chuan, Mizoram RTI Online tangkai tak a hmangtu te bakah official leh mipui nawlpui hnenah MIC chuan hriatthiamna a dil a. Hetih rual hian, Mizoram RTI Online APP hi lo hmang tangkai zel turin mipuite a chah nghal bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News