MZP Hnahthial-in Zirna In tlawh leh Zirlaite fuihna hun hmang

Hnahthial Post | 30th January, 2025: Nizan (29th January, 2025) khan Mizo Zirlai Pawl Hqrs: Hnahthial chuan Hnahthial khaw chhunga High School leh Higher Secondary School, Board Exam hmachhawn tura inbuatsaih mek te tlawh chhuahna hun hmang mekin, zanin khan School pathum; Gov't High School, Hnahthial, FD Higher Secondary School leh Moria Public School, Hnahthial te an tlawh a ni.

Gov't High School, Hnahthial tlawhnaah hian Tv C Rodingliana, Vice President, MZP Hqrs Hnahthial chuan kai hruaiin, Pu Jimmy Lalrosanga, President MZP Hqrs Hnahthial chuan zirlaite fuihna thuchah tawi a sawi a. Zirlaite chu an lehkha zirah thiam belh pakhat tal nei ṭhin tur leh Hnahthial khawtlang hmangaihna nei turin leh Hnahthial tan theih tawp chhuah turin a chah a ni.

FD Higher Secondary School, tlawhnaah hian Tv PC Lalhlimpuia, Secretary MZP Hqrs Hnahthial chuan hun kaihruaiin, MZP Vice President C Rodingliana chuan, zirna pawimawh zia leh hlut zia sawi in, Zirlaite chu kan ram leh hnam hmathlir in ni a, hlawhchhamna hi in hmelma a ni a, thawhrimna tinah hian hlawhtlinna a awm thu te sawiin. Tin, ram leh hnam hnuk khawih pha thei khawpa zirna sang zawm tur leh hmun pawimawh tak luah tura zir turin a fuh bawk a ni.

Moria Public School tlawhnaah hian MZP Hqrs Hnahthial Fin.Secy. Tv Vanlalpekhlua chuan Zirlai fuihna thuchah tawi sawiin, zirlaite chuan an zirlai awlsam taka beidawn san mai lo turin leh bei ṭang ṭang turin a fuih a. MZP-in zirlai ti ṭha lawmpuina hun a hmanah tel ngei thei tura bei turin a chah bawk a ni.

MZP Hqrs Hnahthial chuan ni 30th January, 2025 zanah School an tlawh bang zawng hi an tlawh leh dawn a ni.