Hnahthial Post | 30th January, 2025: Vawiin ni 30th January, 2025(Ningani) chawhnu dar 2:00 khan Mizo Zirlai Pawl hruaitute chuan, National Highways Infrastructure Development Corporation Limited (NHIDCL), Regional Office, Aizawl Executive Director Virendra Kumar Jakhar chu a pisa ah va hmuin Mizoram chhunga an hnathawh hrang hrang an sawipui.
He hunah hian MZP hruaitute chuan, MZP rorelna sang ber Assembly vawi 68-na in a alo rel tawh, "Mizoram chhunga inkal pawhna kawngpui sialtu, NHIDCL ten ṭha zawka hna an thawh theih nan MZP in hma la rawh se" tih an lo rel tawh bawhzuina a ni tih sawiin, hmun hrang hranga NHIDCL hnuaia kawngpui siam mek te chu ṭha taka thawk tur leh an hnathawh chhia te a ṭul anga an enzui tur an sawi a ni.
NHIDCL Executive Director chuan, tuna Vairengte atanga Sairang kawng siam mek pawh an buaipui mek zel tih sawiin, Forest Clearance an hmuh veleh chak taka an thawh zui nghal theih tur thu a sawi a, Aizawl By-pass road Sairang atanga Phaibawk pawhna tur pawh thla thar hian hna an ṭan mai tur thu leh kum 3 chhunga zo tur an nih thu MZP hruaitute alo hrilh a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News