Hnahthial Post | 21st January, 2025: All India Presiding Officers' Conference 85-na, Patna, Bihar a neih chu vawiin khan chhunzawm a ni a. Mizoram Legislative Assembly Speaker Pu Lalbiakzama chuan Lok Sabha Speaker Pu Om Birla, Rajya Sabha Deputy Chairman, Pu Harivansh Narayan Singh India ram pum atanga Speaker leh Dy. Speaker-te hma ah thusawiin, India Danpui 8th Schedule a Mizo tawng a chuan ve pawimawhna sawifiahin, a tel ve theihna tura thawhpui ṭheuh turin Speaker leh ram hruaitu rual kalkhawmte chu a ngen a ni.
Speaker Pu Lalbiakzama chuan India ram chu 'Mother of Democracy' ti a sawi hlawh hial, hnam leh tawng chi hrang hrang infinkhawm 'Unity in the midst of diversity' lo tih theih phahna khawp a ram Dan pui Constitution duang chhuaktute fakawmzia sawiin, he constitution ṭha leh hlu tak hi vawn him zel a pawimawh thu a sawi a. Sakhaw zalenna chungchangah pawh constitution in a tarlan ang ngei a khua leh tui zawng zawng ten an duh zawng sakhua an zui zel theihna tura constitution vawn him kawngah ṭan la zel turin kalkhawmte chu a ngen a ni. Hetihrual hian sakhaw zalenna ram ropui ti a sawi thin ram chhung ngeia inrahbehna awm thin chu pawi a tih thu sawiin, December ni 29, 2024 a Howrah, Kolkata, West Bengal a Christian minority-te chunga thilthleng chungchang a sawi lang a. Khami tum a West Bengal Speaker Pu Biman Banerjee hnena a lehkha ziak bawhzuia rang taka ani in hma a lo lak avangin lawmthu a sawi a. Inlungrual tak a awm tlang dial dial tur in kalkhawm zawng zawng te a sawm a ni.
Pu Lalbiakzama chuan ram rorelna sang Parliament leh State Legislatures a mipui tan a thil tha tak tak an lo ruahman thin te tam tak sawi bawkin, chung zingah chuan a bik takin MNREGS leh NFSA te mi nawlpui leh mi hnuaihnungte tan a tangkai em em thu a sawi tel a. India Danpui vawnhimna kawng a Parliament leh State Legislative bodies ten hma an lo lak tawh ṭhinna ah lawmthu a sawi bawk.
All India Presiding Officers' Conference hi nimin (20.01.2025) khan neih tan niin vawiin tlai khan a hmawr bawk a ni a.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News