Hnahthial Post | 21st January, 2025: Zoram Medical College (ZMC) - State Referral Hospital (SRH) Falkawn chuan kum tina an lo tih thin angin January ni 15, 2025 (Nilaini) dar 11:30 khan Kumthar inhlan tharna hun an hmang a, Chaplain thar lakluhna Inkhawm hman nghal a ni bawk.
Kumthar Inhlan tharna hun hi ZMC Registrar Prof. Dr. Lalnunmawii Sailo-in kaihruaiin, damlote leh thawktute tan Chaplain kan neih belh chu lawmawm a tih thu leh a thlamuanthlak thu a sawi.
Chaplain thar Rev. Lalthanhawla lak luhna Inkhawm hi ZMC Chaplain ni lai Rev. J. Lalbiaknia'n a kaihruai a, Rev. Lalthanhawla hian Lungpho, Sihfa, Chhiahtlang, leh Khawruhlian te a enkawl tawh bakah, Arunachal North leh Assam North Mission Field-ah te bial vawngin hun engemaw chen a lo thawk tawh a ni.
He hunah hian Dr. John Zohmingthanga, Director, ZMC chuan kumthar thuchah sawiin, ZMC a thawh hi kan rawngbawlna pawimawh tak a ni tih hria in min dawrtute lungawina kan pek a, damlo, zirlai te tan theihtawp chhuah turin a fuih a. Kum 2024 chhunga Office kai tha staff mi 6 (paruk) hnenah Citation a hian bawk.
Pu Ramengmawiia Ralte, Assistant Registrar, ZMC chuan he hun hruai thlengtu Pathian hnenah leh kalkhawm zawng zawngte hnenah lawmthu a sawi a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News