Hnahthial Post | 7th February, 2025: Gov't Hnahthial College-in Literary Festival 2025 an buatsaihna kal zelah nizan (6th February) khan an College Campus-ah Festival Concert neih niin tunlai Mizo Zaithiam zinga mite ngaihven leh ngaihhlut ber te zinga mi J Lalrosanga, Lilzo, Deborah Ralte leh Mista Blow te chu zaiin mipui pungkhawm an ṭha hnem hle a ni.
J Lalrosanga hi nimin khan Hnahthial-a Fans Group te chuan lo lawmna cake zai sakin thuziak cheimawi leh an thawhkhawm atanga an lei Deep Freezer an hlan bakah tunhnaia kangmei tuar Pi Siamveli, Electric Veng Hnahthial hnenah ₹5000/- an hlan bawk a ni.
Nizana Concert naah pawh hian bawm dawh a ni a, Rs-a hian mipuite chu kang tuarte tana luangchhuak tur hian thahnem ngai takin a sawm a, amah ngei pawhin a thlak ve tur thu a puang bawk a ni. Bawm dawh aṭanga pawisa tling khawm leh Rsa'n a thlak te nena tling khawm zawng zawng hi a vaiin ₹10,000/- niin kangmei tuarte ṭanpuina hi vawiin ni 7th February chawhnu khan an Pi Siamveli, Pi Denghnuni leh Malsawmzuala te hlan an ni.
Nizan vek khan zaithiam hmun hran aṭanga rawn kalte hian anmahni hmun lam an pan leh nghal a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News