IGNOU Hnahthial Study Centre ti tawp lailawk

Hnahthial Post | 24th February, 2025: MZP Hnahthial thuchhuahin an tarlan danin Gov’t Hnahthial College-a IGNOU Study Centre chu tun hnaiah tih tawp tumna thawm awm nia MZP-in a hriat chungchang an zirchianga, IGNOU Hnahthial Study Centre-ah hian zirlai enrollment ti an tam loh avang leh zirlai enrollment zat tura bituk hniam ber tlin a nih loh avangin Central lam atanga tih tawp lailawk a nih dawn thu an thuchhuahah an tarlang a. Zirlai enrollment bituk hniam berah hian, zirlai 100 tal awm tura tih a ni a.

Tuna Hnahthial IGNOU Study Centre-in zirlai a neihsa te hi Study Centre hnai ber Lunglei/Serchhip-ah Assignment thehluh leh Exam an nei dawn a ni. Hnahthial leh a chhehvela IGNOU zirlai, Study Centre-a Hnahthial thlang lo a, hmun dang thlang te leh IGNOU-a zir tum ten, Study Centre-ah Hnahthial College thlang tur leh Zirlai enrollment bituk hniam ber tlin a nih theih nana theih tawp chhuah turin MZP Hqrs: Hnahthial chuan Zirlaite an sawmin an ngen tih an thuchhuah chuan an tarlang tel bawk a ni.