Hnahthial Post | 24th February, 2025: Mizo Zirlai Pawl Headquarters Hnahthial-in an Zirlai pui, Tv Valentine Vanlalchhana, kum 23, s/o Pu Malsawmtluanga, Khawngbawk, Pangzawl, Kerala-a Mechanical Engineer zirlai-in ni 23rd February, 2025 zing lam dar 1:00 a.m. a, Mizo leh Mizo inkara inhmuh thiam lohnaa kut a tuara, nunna a chan chu pawi an tiin Valentine Vanlalchhana'n a kalsan tak a chhungte an tawrhpui thu an tarlang.
MZP Hqrs Hnahthial thuchhuah chuan, vanduaina tawk Valentine Vanlalchhana tual thihna chu pawi an tiin, he thila inhnamhnawih leh pawi khawihtu hi thuneitu lamin a chungah hremna lek kawh a, a phu tawk hremna a hmuh ngei an phut tih tarlangin, Pu Malsawmtluanga te chhungkua chu an tawrhpui thu an tarlang tel a. He thil thleng atang hian Mizoram pawna Mizo zirlaite’n zohnahthlak inunauna chhawm nung tur leh Mizo leh Mizo kara innghirnghona awm thei te paih bo tur leh Mizoram leh hnam tana an thiamnate chhawr tangkai a nih theih nan theih tawp chhuah turin zirlaite an sawm bawk a ni.
Tags
News