Hnahthial Post | 22nd February, 2025: Mizoram Legislative Assembly session neih mekah nimin khan South Tuipui Bialtu MLA Pu Jeje Lalpekhlua zawhna, "Hnahthial District-ah Labour, Employment, Skill Development & Entrepreneurship (LESDE) Department dah tumna a awm tawh em?" tih chu a changtu Minister Pu Lalnghinglova Hmar chuan, "Sorkar-in a ngaihtuah mek a, ni 20.11.2024 khan Office hawn phalna hi theh luh a ni tawh," tiin a chhang.
Hemi chungchanga zawh belhna pawh LESDE Minister chuan Hnahthial-ah chauh ni lovin District Office an neih lohnaah pawh DC kaihhruaina hnuaiah District Skill Committee din a nih thu leh District plan an siam theih thu te, LESDE Secretariat-ah emaw Directorate-ah emaw rawtna an thlen thei tih a sawi a, District Office din hma pawhin Labour Welfare te tan District tinah District facilitator dah turin ruahmanna siam a nih thu a sawi bawk.
Tags
News