Kangmei tuarte chhungkaw chenna In tur hnatlangin sa chho mek; Vehbur tling khawm ₹1,84,420/- tling tawh

Hnahthial Post | 10th February, 2025: Kar kalta thawhlehni a Pi Siamveli, Electric Veng, Hnahthial chhungkaw chenna In kang chu YMA Sub-Hqrs Hnahthial leh YMA Electric North Branch te kaihhruaina hnuaiah 24 x 18 ft a lianin hnatlanga sak that hnathawh mek a ni a, vawiin (10th February) hian YMA Kanaan Branch ten an thawk ang a, a beam chhun zawh hman beisei a ni.

Kangmei tuarte ṭanpuina hi YMA Sub-Hqrs Hnahthial ruahmanin Hnahthial khawchhunga YMA Branch hrang hrangah vehbur khawn niin chhunluh vek a ni tawh a, hetiang hi pawisa fai tlingkhawm zat chu a ni:

1. Peniel Branch - ₹43,900/-
2. Bazar Branch - ₹35,820/-
3. Model Branch - ₹27,690/-
4. Chanmari Branch - ₹20,480/-
5. Lungleng Branch - ₹20,430/-
6. Venglai Branch - ₹18,760/-
7. Kanaan Branch - ₹17,340/-

          Total - ₹1,84,420/-

YMA Electric North Branch leh Electric Branch te erawh chuan YMA Sub-Hqrs Hnahthial-in ruahmanna a siam hmain an lo khawn tawh avângin YMA Sub-Hqrs Hnahthial record-ah a lang lo a ni.

Hnahthial khawpui pawn YMA Branch aṭangin Tuipui D Branch ten ṭiau trip 2 an dah bakah Thiltlang ten mau trip 1 an dah bawk a ni.

Tunlaiah banril hman mai tur a van tawh avangin chhiat tawkte In sak dan tur pawh hi a tirah chuan a lei seh chin chu Banril aiah RCC ni sela, a bak chu Assam Type a chhunzawm tura ruahman nimahsela chhiat tawk chhungkaw lamte chuan a theih ang anga insenso huamin tie beam leh beam pakhat kal tura ruahman leh a ni a, hemi hnu hian Thingzai hmangin chhunzawmin Assam Type a sak turin tih a ni. Hnatlang hi Electric North Branch chu vawi 2 thawk tawhin Electric Branch te vawi khat an thawk tawh bawk a, vawiin (10th February) hian Kanaan Branch hnatlang tura beisei a ni bawk.

He chhiattawhna chungchangah hian Hnahthial khawpui chhung a Veng/Branch kal tlanga ṭanpuina petu zawng zawng te, Town pawn lam leh Mizoram hmun hrang hrang a ṭanpuina petu zawng zawng te chungah YMA Sub-Hqrs Hnahthial chuan lawmthu an sawi a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09