Hnahthial Post | 25th May, 2025: Nimin tlai (24th May, 2025) khan Chief Minister Pu Lalduhoma chuan Pu Jual Oram, Union Minister for Tribal Affairs chu a pisaah tlawhin inkawmna an nei.
Chief Minister hian Mizoram tana Eklavya Model Residential School (EMRS) din belh turin a dil a, Union Minister hian lo ngaihtuahsak a intiam a. EMRS a thawk tura Mizote kan luh tam theih dan tur an sawidun a, Union Minister chuan hemi kawngah hian hma an lak mek thu leh, EMRS a thawk tur staff tenaute phei chu state chhunga mi ngei la tur leh zirtirtu pawh region wise-a recruitment kalpui turin inkaihhruaina thar an duang mek tih a lo hrilh.
Ruihhlo ngai te enkawlna hmun hrang hrang tihchangtlun dan tur an sawi bawk a, hemi chungchangah hian Union Minister chuan theihtawpa hma a lo lakpui tur thu a sawi a ni.
Chief Minister hi Pu Vanlaldina Fanai, Commissioner & Secretary to Chief Minister, Pu Lalmalsawma Pachuau, Secretary, Planning & Programme Implementation leh Pi R Lalrodingi, OSD to CM ten an tawiawm a ni.
Tags
News