Hnahthial Post | 31st May, 2025: Nizan 30.5.2025 dar 10:45 vel khan Lawngtlai Bazar veng leh Chanmari vengah in 3 ve ve, avaiin in 6 chu a chim a, mi 8 vel chin hriat loh an awm niin YLA hruaitute chuan a sawi.
Heng in chimna hmun hi kum 1994 a Lawngtlai khuaa leimin pui thlenna hmun ami vek niin thu dawnna chuan a sawi a. Hun a liam a, hun rei tak lei a chet tak loh hnuah in leh lo ding a rawn awm chho zel a, tunah hetiang chhiatna hi a rawn thleng leh ta nia an hriat thu, thu dawnna chuan a sawi.
Hriat theih chinah heng RCC in 6 -
Lawngtlai Bazar veng Pu Vanhnuailiana, Pu Lalchungnunga in leh Pi Lalhlupuii Fanai te in. Lawngtlai Chanmari vengah, Pi Hrangthanmawii, Pu F. Lalnithanga in leh Pu F Lalrothuama te in RCC building te hi a chim a ni.
Lawntlai YLA hruaitute chuan, “Tunah lei a la che reng a, zan khaw thim nen, chet ngam a ni lova, khawvar kan nghah mai a ngai dawn a ni” a ti.
Thu hmuhna: WhatsApp
Tags
News