Mizoram Rural Bank Hnahthial Branch chu ni 30th May zan khan rawk tuma beih a ni

Hnahthial Post | 31st May, 2025: Mizoram Rural Bank Hnahthial Branch chu ni 30th May zan khan rawk tuma beih a ni. Bank rawk tumte thawm hi bank guard-ten an hriaa thawm an chhuah avangin rukruk tum te hi an inthiar fihlim nghal a, tunge an nih hriat hman a ni lo.

Pi Thelma M. Zokimi, Chief Manager Mizoram Rural Bank Hnahthial Branch hnen atanga kan thu dawnnain a tarlan danin Bank hi rolling shutter bakah a chhungah kawngkhar pangngai hmangin an kalh leh a, rolling shutter hi tala pahnih a kalh niin pakhat zawk hi an chhu chhe hman a, a thawm hi bank chhunga riak guard duty-ten hriain thawm an chhuah a, hemi hnu hian rukruk tumte hi an tlachhe ta niin a sawi a, Nizan lamah Power Supply a awm loh avangin CCTV vuah tho mah se thla a la thei lo va, he thila inhnamhnawite hi hriat an la nih loh thu leh, Hnahthial Police Station-ah FIR an thehluh tawh a, Police lamin an chhui mek thu a sawi bawk.