Hnahthial Post | 1st June, 2025: Ni 29th May,2025 zan dar 10:55pm atanga 33kv line tha lo chu tun thlengin a chhiatna lai an la hmu lo.
Hnahthial District khaw thenkhat Thingsai, Cherhlun, Bualpui H, New Ngharchhip leh Ngharchhip khua ten a Current an lakna 33kv line chhia chu chanchin buatsaih lai thleng hian a chhiatna an la hmu lo. Nimin khan a chhiatna lai hi zawn chhunzawm a nih avangin N Vanlaiphai sub station in a chawm khua zawng zawngte hriatthiamna P&E Dept chuan a dil a. 33kv line chhiatna lai tak hi hriat theih ala ni lo a, N Vanlaiphai Bangla Veng thlanmual leh Bawktlang inkar ni-a rinhlelh chu a ni a, ruah a sur reng avangin duh angin hma a lak chak hleihtheih loh thu thawktu te chuan sawiin nimin khan siam that hman ngei an in beisei thu an sawi laiin, chanchin buatsaih lai thleng hian a chhiatna la hmuh a ni lo.
Current a awm loh rei avang hian Thingsai leh a chhehvel khua ah te chuan inbiak pawhna lamah harsatna an tawk a, Mobile Phone te pawh Generator leh Inverter nei te In ah an charge nasa a. Muallungthu Veng Committee Thingsai te chuan an veng chhung a Mobile Phone leh Emergency Light te Veng Committee Generator in an charge tir bawk.
Tags
News