Hnahthial Post | June 25, 2025, Aizawl: Vawiin khan CM Conference Hall-ah Chief Minister Pu Lalduhoma hovin Mizoram State Policy Coordination Committee te chu an thukhawm a, Handholding Scheme hnuaia progress partner te hnena hmalak mek dinhmun an thlirho.
Thawh khatnaah hian Loan component-ah dilna hi 11438 a lut a, line department ten 588 an pawm tawh a, pawmsak tawh DPR siamsak ngai 1687 awmin, endik hmabak hi 8249 a awm mek. Dilna 914 erawh chu hnawl (reject) a ni. Reject sakte hi a dil dan dik hrilh a, diltir leh vek dan dap zui tur a ni ang. Dilna pawmsak tawh Bank lama lut tawh zat chu 517 a ni. Chung zinga mi 51 hnenah chuan bank te hian loan an pe tawh a ni. Loan an la pek chhuah tlem chhan hi chu loan an hmuhna tam ber PMEGP portal a chian loh vang a ni. Tun hnaiah a rawn tha leh tawh a, chak zawka an pek theih an inbeisei.
Loan component bikah hian miin hma an lakna tura a sum mamawh tur dik tak aia tam daih diltu an tam avangin line department leh bank lam tana lo pawm a harsat chang a awm a. Central schemes te nena kalkawp (convergence) a nih bawk si avangin an dilna scheme-in a phalsak chin aia tam loan lo pawmsak kha a harsat thu sawi lan a ni.
Thlai leh ran insurance company ten fel fai zawk a an scheme an kalpui theih nana a tul anga hmalak an rel bawk.
Chief Minister special package ah hian a thawhkhatnaah mi 2000 target siam a ni a. Nimahsela, a diltute zingah cheng nuaih khat tling lo dil engemaw zat an awm avangin mi 2226 te chu dawng tura thlan an ni, dilna thenkhat hi an hmalakna tura an sum mamawh zat aia tam dil an la awm nia a lan avangin a dawngtu tur zat hi a la danglam thei dawn nia ngaih a ni. CM special package dawng tura thlante hi a rang lama training pek tur an ni a, training an kal zawh ve leh sum hi pek an ni ang.
Tun July thla chhung hian line department ten dilna an la kawl te a tam thei ang ber lo endik se, August thla atang chuan dilna hi hawn leh tan ni se an ti a. A Scheme kalpui zelna tur thil pawimawh hrang hrangte an sawi bawk.
Vawiin meetingah hian member te an kal tha hle a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News