Denlung khuaah Mizo Zirlai Pawl branch din a ni

Hnahthial Post | June 27, 2025: Nizan (ni 26th June, 2025) dar 7:30 khan MZP Hqrs: Hnahthial hnuaia Denlung khuaah MZP Branch din a ni.

Denlung khawtlang chuan an khuaa zirlaite hmakhua ngai chungin leh khawtlangin hmasawnna kawng hrang hrang nawrna kawnga chak zawka hma an lak theih nan Mizo Zirlai Pawl Branch din an duh thu Mizo Zirlai Pawl Hqrs: Hnahthial-ah thlenin, MZP Hqrs: Hnahthial Office Bearers Committee Meeting chuan Denlung khuain MZP Branch din an duh chu an ngai pawimawhin, nizan (ni 26th June, 2025) dar 7:30 khan Denlung khuaah MZP Branch dinpui turin MZP Hqrs: Hnahthial atangin Vice-President Pu C Rodingliana hovin Joint-Secretary, Pu Remlalnghaka, Fin.Secy. Pu Vanlalpekhlua, Tv Lalremsangpuia Secy. i/c Information & Publicity leh Nl Linda Zothanmawii ECM te chu kalin, heng a hnuaia tarlante hi Denlung khuaa MZP Branch hruaitu tur atana thlante an ni.

President : Lalramdina

Vice-president : David Lalruatdika

Secretary : Lalhruaitluanga

Asst. Secy. : Laltluangliana

Treasurer : Lalzarzovi

Fin.Secy. : Malsawmtluangi

Mizo Zirlai Pawl Hqrs: Hnahthial chuan, Branch din pawmpui leh hruaitu thlan thar pawmpui tura ngenna Mizo Zirlai Pawl General Headquarters: Aizawlah an thlen nghal bawk a ni.

Tun dinhmunah hian MZP Hqrs: Hnahthial hnuaiah Sub-Hqrs pakhat leh Branch sawm a awm mek a ni.