Hnahthial District-a Article 275(1) leh PM-DAJGUA kalpui tur chungchang thlir ho

Hnahthial Post | 10th June, 2025: Nimin (9th June) khan Hnahthial DC Meeting Hall-ah Bawrhsap, Pi K.Vanlalruati kaihhruaiin District Planning Committee chu an thukhawm a. District office thenkhat hnen atangin Article 275(1) hnuaia hmalakna hmachhawp an thehluhte sawi hovin PM-DAJGUA hnuaia hmalakna awm theite sawi ho a ni bawk.

Article 275(1), grants-in-aid hnuaiah Hnahthial District chhunga office hrang hrang chuan an proposal neihte an thehlut a. Fisheries, WCD, Horticulture, AH&Vety, PHE leh Education department te hnen atangin proposal hrang hrang thehluh niin officials thukhawmte chuan hmalakna chhawpchhuahte hi bih chianna an nei a. A tul ang ang siam rem ngai an tihte siamrem a nih hnuah pawm tlan niin state sawrkar hnenah proposal awmte chu thehluh tura ruahmanna siam fel a ni.

PM DAJGUA hnuaiah hian Tribal school emaw hostel emaw govt. residential schools te thawmthat hna tawh theih niin hei bakah hian Tribal Multipurpose Market sak theih a ni dawn a. Market sak theihna hmun tura chhawpchhuahte chu zirchian niin a sak theihna awmang te chu thlanchhuah an ni a. Thlan chhuahte hi chiang zawka zirchhian leh phawt tura rel a ni.