Hnahthial Post | June 29, 2025: Prime Minister Narendra Modi chuan Emergency puangtute chu ram danpui tibawrhbang a, rorelna bawiha siam tumah a puh a ni.
Akashvani kaltlanga thu a sawi naah Prime Minister Narendra Modi chuan kum 1975-a Emergency puangtute chu na takin a kap a, an thiltih chu Danpui palzutna mai ni lovin, rorelna bawiha siam tumna a nih thu a sawi a. Ram mipuite chu Emergency dodaltute tuar chhelna leh huaisenna hrereng chunga ram danpui venghim turin a ngen bawk. Prime Minister hian International Labour Organisation (ILO) report chungchang sawilang bawkin, hriselna atanga mipui himna thlengin, kawng tinrengah ramin huapzo taka hma a sawn mek thu leh, hei hi mipui tana rorelna dik thlalak ropui tak a nih thu a sawi a. ILO Report hian India rama mipui zaa 64 chuangin mipui venhimna, social protection hamthatna eng emaw ber an dawng ngei tih a tarlang a ni. Prime Minister Narendra Modi chuan ramchhung leh pawna International Day of Yoga (IDY) an lawm thei chu lawmawm a tih thu a sawi a, remna leh ngelnghehba lantirna a nih thu sawiin, kum tin Yoga lawmna a ropui tial tial thu a sawi.
Prime Minister Narendra Modi-an thla tina ram mipuite hnena thuchah a sawina 'Mann Ki Baat' hi Akashvani kaltlangin vawiin chawhma Dar 11 khan tih chhuah a ni a, a thusawi Mizo tawnga lehlin chu zanin dar 8-ah Doordarshan, Mizoram-ah tih chhuah leh a ni ang.
Tags
News