Hnahthial Post | June 29, 2025, Hnahthial: Excise & Narcotic Department Hnahthial Station-ah kumin January thla atanga June ni 26 thleng khan thubuai 96 ziah luh tawh a ni.
Thubuai ziahluh zinga 94 hi Mizoram Liquor (Prohibition) Act, 2019 hnuaiah ziahluh niin a dang pahnih chu Narcotic Drugs and Psychotropic Substances (ND&PS) Act hnuaiah ziahluh a ni thung. Excise & Narcotic Department Hnahthial Station hotute hnen atanga DDK palai thu dawn danin ND&PS Act hnuaia thubuai an ziah luh zingah hian dan lo va kawl damdawi an man sak leh Heroin No. 4 gram 293 an man sak a tel a, rakzu liter 2348.50 an man tawh bawk a ni.
Tun dinhmun-ah Excise & Narcotic Department Hnahthial Station-ah hian thawktu pakua (9) an awm mek a, Officer-in-Charge Inspector pakhat, Sub Inspector pakhat, Constable paruk leh fourth grade pakhat an awm mek a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News