Hnahthial Post | June 22, 2025, Hnahthial: Ni 20 June, 2025 (Zirtawp ni) khan Urban Development and Poverty Alleviation Department (UD&PA) Secretary, Pu Lalmalsawma Pachuau leh Director, Pu Jacob Lalawmpuia te chuan Hnahthial tlawhin Hnahthial khawpuiin bawlhhlawh an paih mekna hmuh leh bawhhlawh sawngbawlna hmun tura ruahman (Solid Waste Management Centre) Rotlang East ram a mi te an enpui.
Pu Lalmalsawma Pachuau chuan Hnahthial Soild Waste Management Centre tur Rotlang East a mi chu tha thawkhata an hriat thu leh uluk zawka lo ennawn leh turin District Urban Development Office (DUDO) thawktute an hriattir a. Hnahthial khawpui bawlhhlawh paih mekna Sa-ang kawng ami pawh Rotlang East rama Solid Waste Management Centre siam peih a nih hmaa hman tangkai theih dan tur ngaihtuah a nih tur thu pawh an sawi. DUDO office pawhin tlawh nghalin DUDO thawktute chuan bawlhhlawh sawngbawl chungchanga an hmalak dan te a hrilhfiah a, hasatna an neih leh mamawh an neih hrang hrang an lo thlen nghal a, Hnahthial DUDO tih chantlunna tur project siam turin DUDO thawktute chu an chah bawk a ni.
UD&PA Secretary leh Director hi Hnahthial atangin Pu Zothanmawia Khiangte, Addl. DC, Pi Esther Leihang, SDO Sadar leh DUDO tawktuten an tawiawm a, Aizawl lam atangin Pi C. Lalduhzuali, Joint Director (Admin) UD&PA, Pu Vabeimozachhi Chozah, Under Secretary UD&PA ten an tawiawm bawk.
Tags
News