Hnahthial Post | July 1, 2025, Thingsai: Hnahthial District Bualpui ‘H’ khua Kawnpui rama Saphai hmuh chu Environment Forest & Climate Change Department(EF&CC) Thingsai Range a thawktu ten an man.
Ni 29 June, 2025 Pathianni khan Saphai entu zing mi pakhat a hliam avangin Divisional Forest Officer (DFO)North Vanlaiphai Forest Division thupek angin EF&CC Department Thingsai Range Office a thawktu te leh Bualpui ‘H’ khawtlang hruaitute hmalakna in ni 29, june zan thimhlim khan Saphai hi manin Thingsai lamah phurh phei a ni a. Range Officer(RO) Quarter ah dah niin nimin (30 June) chawhma dar 10:30 khan khan ama tana himna tur ber ni a an hriat Khawnglung Wildlife Sanctuary a dah tura phurh niin nimin vek khan chhuah nghal a ni tih Thingsai EF&CC Range Officer, Pu H. Lalengmawia’n a sawi.
Kar hmasa Ningani khan Pa zawng a kal ten Saphai hi hmuin Sakhi emaw, Sanghal emaw a dawlh ngei niin an hria a. Kar hmasa Inrinni khan Bualpui 'H' VC leh EF&CC Department Thingsai Range a thawktu te nen a hmun a kalin an enfiah a. Saphai hi tihnat leh sawisak phalloh anih thu leh lo tilui an awm chuan Wildlife protection Act 1972 hmangin cheng singkhat (₹ 10,000/-)atang cheng singnih sanga( ₹ 25,000/-) thleng chawi tir bakah Kum thum(3) atanga kum sarih(7) thleng tan theih anih thu an sawiin mipuite hnenah Thuchhuah an siam tawh bawk.
Saphai sei zawng hi teh niin feet sawm pahnih leh inches riat (12ft 8inch) a sei a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News