Hnahthial Post | July 6, 2025: Central YMA chuan Myanmar ram chhung, Chin Hills a Chin National Organisation (CNO) leh Hualngoram Peoples Organisation (HPO) te inkara buaina leh inkah a chhuah chungchangah heng pawl pahnih hruaitute hi nizan khan an kawm.
He inkawmnaah hian, CNO leh HPO inkar buaina avanga mihring nunna chan leh nunau tam tak thla bar manganga an awm chungchang sawiho a ni a. Heng pawl pahnih hruaitute hian Central YMA hruaitute ngenna angin mipui ten an tawrh zel loh nan tun dinhmunah chuan Inkah hai neih an remti a; A tul angin pawl pahnih inkara inhriatthiam lohna hrang hrangte chu la sawiho zel nise an ti.