Hnahthial Post | July 6, 2025, Aizawl: Nimin 5th July, 2025 (Inrinni) chawhnu dar 1:00 khan Mizo Students’ Union (MSU) General Headquarters chuan Emergency Executive Committee Meeting neiin, Unqualified Part Time Assistant Professor te Sorkarin hun a pek belh leh duh lohna kawngzawh neih an tum.
MSU Emergency Executive Meeting chuan Sorkar hnena Unqualified Part Time Assistant Professor 29 te ban tura an ngenna chuan awmzia a neih loh avangin, July ni 7, Thawhṭanni hian Aizawl khawpui - Vanapa Hall aṭangin Higher & Technical Education Directorate Pisa thleng “Quality Education Humhalhna Kawngzawh” neih an tum a; hemi ni hian Aizawl a awm College Zirlai zawng zawngte kawngzawh turin a sawm a ni.
MSU chuan Mizoram Sorkar chu Unqualified Ziritirtute ban a, an aiawh tur Zirtirtu pawh Zirna tibuai loa la nghal turin a ngen a. An thilphut te hi tih hlawhtlin a nih loh chuan a tawp thlengin MSU chuan hma a la zui zel dawn a ni.