Digital Weighing Scale hmang ngei turin Hnahthial DCSO-in hriattir

Hnahthial Post | July 9, 2025, Hnahthial: Hnahthial DCSO Pu Lalremruata Sailo chuan ration Buhfai felfai leh buk tling taka semchhuah a nih theih nan nimin (8th July) khan hriattirna ti chhuakin, "Fair Price Shop Dealer (FPS) te hnenah Digital Weighing Scale (DWS) pek vek an nih tawh avângin Retailer ten DWS an hmang ngei tur a ni," tiin Fair Price Shop Dealer ten tehkhawng dang - Bur, No or Ṭin hmangin Buhfai/Chini etc semchhuah phal a nih loh thu leh ePOS Machine emaw Digital Weighing Scale (DWS) a chhia a nih pawhin ngawih bopui mai lova, DCSO Office Hnahthial-ah report vat ṭhin turin a tarlan bakah thla tin Ration Buhfai sem bang (Carry Over) chu Retailer ten an tiral/hralh mai thiang lova, thla thar a sem leh theih tura dahthat ṭhin tur a nih thu te, One Nation One Ration Card (ONORC) hnuaia Ration Buhfai la turte pawh Fair Price Shop Dealer ten an lo hnar thiang lo tih a tarlang bawk a ni.