Hnahthial Post | July 25, 2025, Hnahthial: Ni 23rd July, 2025 nilaini chawhma khan Superintendent of Police Office, Hnahthial-ah, Hnahthial District Executive Force (DEF) huam chhunga Police Officer te chuan Crime Review Meeting an nei a, SP, Pu Shivam Siddharth chuan a kaihruai a ni. He hunah hian kumin January atanga July ni 23 chhung khan Hnahthial District-ah Case sawmthum (30 cases) ziah luh a nih tawh thu tarlan a ni.
SP, Pu Shivam Siddharth chuan case IO te chu tha taka an thawh tawhna-ah lawmthu a hrilh a. Tun aia tan lehzual turin a chahin Bharatya Nyaya Sanhita (BNS), tun hma a Indian Penal Code (IPC) ti a kan hriat thin, hman hnuah phei chuan case IO ten tih tur a ngah leh zuala, tan la zel turin a fuih a ni.
Kumin January atanga July ni 23 chhung khan Hnahthial District-ah Case sawmthum (30 cases) ziah luh a ni tawh a, Burglary case pakua (9) register tawh niin mihring sawm panga (15) man an ni. Theft case pasarih (7) register tawh a ni a, mihring paruk (6) man an ni bawk. ND&PS case panga (5) register niin mihring 8 man an ni. Fatal Accident (road accient) Case pali (4) register tawh niin mihring pakhat (1) man a ni. Hurt, Cheating, Rape, Mischief, Forgery Case pakhat theuh register a ni a, mihring pali (4) man an ni bawk a ni.
He hunah hian Pu Robert S. Beihrosa, Addl. SP; FC Zonghinga, SDPO; Inspectir Pu V.L Zawmliana, OC, Hnahthial PS; SI Kam Thanga, OC, Thingsai PS leh Case I/O SI pali leh ASI pathum an tel a ni.
Tags
News