Hnahthial Post | July 14, 2025: President hian arts, literature, science leh social service lama an thawhhlawk dan a zirin Parliament Upper House-ah hian member tur mi 12 a ruat thin a. Tun tuma a ruatte hi ukil hmingthang Ujjwal Deorao Nikam, khawtlang tana thawk thin (Social Worker) C Sadanandan Master, Foreign Secretary hlui Harsh Vardhan Shringla bakah mi chanchin ziaktu leh zirna lama mi thiam Dr. Meenakshi Jain te chu Rajya Sabha member atan a ruat a ni.
Home Affairs Ministry chuan thuchhuah siamin member atana ruatthar Maharashtra mi, Ujjwal Deorao Nikam hian Mumbai-a firfiaka beihna thubuaiah sorkar ukil hna a lo thawh tawh thu te, Kerala mi C. Sadanandan Master hi zirna lamah sulhnu nei tha a nih bakah politics-a inbeihna tuartu a nih thu a tarlang a.
Foreign Secretary hlui Harsh Vardhan Shringla hi United States, Bangladesh leh Thailand-ah te India aiawh Palai a lo nih tawh bakah Dr. Meenakshi Jain hi kum 2023-a India-in G20 a thlen tum khan Chief Coordinator ni tawhin Delhi University hnuaia Gargi College-ah history zirtirtu (Associate Professor) a ni tawh thu a tarlang bawk a ni.
Tags
News