Hnahthial Post | July 7, 2025, Aizawl: Mizoram Student Union (MSU) huaihawtin vawiin hian “Quality Education Humhalhna Kawng Zawh” Aizawlah neih a ni.
Higher & Technical Dept hnuaia Mizoram sorkarin Unqualified Part Time Assistant Prefessor-te Contract a pawhsei sak leh duh lohna lantira MSU), General Headquarters huaihawta kawn zawhte hian Vanapa Hall kawt atanga Higher & Technical Education Directorate Office kawt thleng kawng an zawh a, Aizawl khawpui huamchhunga college hrang hrangte an tel a ni.
MSU hruaitute chuẩn Mizoan zirna siamtha tura kawngzawh a lo ngai ta chu pawi an tih thu an sawi a, hemi hun chhunga mipui nunphung an tihkhaihlak chungchangah thupha an chawi thu an sawi bawk.
MSU huaihawta kawng zawh hi Aizawl City College Joint Students Union chuan thlawpin kawngzawhnaah hian tel an thahnem hle a, zirlai kalkhawmte chuan Unqualified Part time assistant professor sorkarin a rawih mekte bang tura an duh thu an auchhuahpui a ni.
Tags
News