Hnahthial Post | July 1, 2025: Chief Minister Pu Lalduhoma chuan sorkarin thlai thar lei a kalpui bultan kumah, inzir chungin kal mah se, an hlawhtling thawkhata a hriat thu leh loneitute pawh an lawma an hriat thu a sawi.
Nimina sawrkarin thlai thar lei a kalpui kharna hun Aizawla buatsaih a hmanpuina ah Chief Minister chuan, sorkarin thlai thar a lei tan kumah thlai pali kan tinzawn laiin, Mizo buh pawh an titel leh a, heng thlai thlan bik 5 zingah hian Sawhthing leh Hmunphiahah tlem han khaihlak zeuh a awm tih loh chu a dang 3 ah chuan harsatna an tawk lo a ti a, hmuhphiah hralh kawnga harsatna, Grade-a then chu kalpui a ni tawh dawn lo a tih bakah sawhthing lei kalpui chu tun dinhmunah a mothar a awm tawh avangin khar rih mai thaa an hriat tawh thu a sawi a, hetihlai hian loneitute chu kawng lakah an kalsan dawn lova, nakkum lamah pawh an kalpui zel dawn a ti a ni.
Dr. KC Lalmalsawmzauva, Adviser to CM & Co-Chairman MAMB tarlan danin, sorkar chuan Mizo buh quintal 1473 leiin, cheng nuai 44 vel sawrkarin a seng a. Sawhthing chu June ni 27 thleng khan quintal 2,33,604 an lei tawh a, vawiin thlengin an la buk a, an lei tawh chinah support price cheng vbc 96.4 sawrkarin a pe tawh a ti a, Aieng quintal 400 leiin, Hmarcha leisak ngai an awm lo a. Hmunphiah chu empanelled buyers ten quintal 10,552, non empanelled buyers ten quintals 27,277 an lei a, ZOHANCO kaltlangin quintals 2498 lei a ni a, he mi bikah hian sawrkarin cheng vbc 2 a seng tih a sawi bawk.
#DDnewsmizoram
Tags
News