Hnahthial Post | July 1, 2025, Aizawl: MPCC President, Pu Lal Thanzara chuan, rambuai avanga Mizo mipuiten an tawrh laiin, kum 1967-ah mipui thlamuan turin Congress party a lo piang a, Congress pian chhan chu remna leh muanna thlentir a ni a ti.
Nimina Congress party ten Remna Ni vawi 39-na lawmna Congress Bhavan a an hmanna ah thu sawitu Pu Lal Thanzara chuan, kum 1966 a Mizoram buai chanchin chu thangthar te hnenah sawi thar leh a ngai a ti a, ram buai avanga sipai kut tuar te, tualthi te, pawngsual tawk hmeichhia an awm bakah thenkhatin in leh lo an chan bakah Mizo mipuiin riltam leh thawpikna namen lo an tawrh karah Mizoram mipuite thlamuan turin kum 1967 ah Congress party a lo piang a ti a, kum 1986 June ni 30-a remna leh muanna ziah a nih theih nan khatih laia Chief Minister leh Minister te khan an nihna an kalsan a ti bawk a ni.
Tags
News