Hnahthial Post | August 26, 2025, Hnahthial: Mizoram sorkar chuan district thar pathum, Hnahthial, Saitual leh Khawzawl-ah te District Transport Officer Office hawng turin a ruahman mek a, September thla chhungin office hmun hma vel tih fel a ni ang a, October thlaah chuan DTO Office pathum te hi hawn hman tum a ni.
Hnahthial-ah chuan District Transport Officer Office hi Ropuiliani Hall bul SDO Civil Office building hlui an luah lailawk dawn a, nimin (25 August, 2025) khan thawktu thenkhatin Hnahthial hi thlengin Office chei hna hi an thawk nghal a ni. Hnahthial-a office hmun hma tifel tura rawn kal zing a mi Pu Lalrohlua’n kan palai a hrilh danin tun kar chho hian office hmun hma chei hna an thawk ang a, thla thar tirah thawktu tur DTO leh a thawhpui te’n office an luah tan ang a, October thlaah chuan official-a hawn hman tum a ni a ti a, DTO office-ah hian DTO mai bakah MVI leh thawktu dang pawh dah nghal vek an ni dawn niin a sawi bawk.
Tags
News