Hnahthial Post | August 26, 2025, Thingsai: Tukin zing khan Thingsaiah eirawngbawlna gas a lo thleng a, gas la tura kal an ṭhahnem êm avangin lirthei chetvêl a buai phah hial.
Mizoram mamawh chawkluhna luhka Kawnpui leh Sairang inkar kawng a ṭhat loh bakah fur lai anih bawk avangin Mizoram pumah harsatna hrang hrang kan tawk a. Thingsai khuaah pawh thlà 3 dâwn gas hi sem a ni tawh lo va, mipuiin harsatna nasa tâk an tawk a ni.
Thingsai khua bialtu Fidelia Indane gas, Hnahthial hian Hnahthial khaw chhung veng hrang hrang bakah Thingsai, S. Vanlaiphai, Thiltlang, Phaileng ‘S’, Leite leh Bualpui ‘H’ ah te gas hi an sem a, Thingsai khuaah hian eirawngbawlna atân thingtuah lova gas chauh hmang hi chhungkaw eng emaw zât an awm tawh a, gas vàng hian khawtlângah harsatna a thlen avangin gas la turan tam avang hian Lirthei chetvel pawh a buai phah hial a ni.
Tags
News